دنيتنا فيها ناس وناس،،
ناس بتدى
كل حاجه
وتسمع لك
وانت ناسيها
م الاساس
وناس توجع،،
وليك محتاجه
وانت شايلها
فوق الراس
وناس ف قلبك
وما هى جنبك
وناس بعيده
بس حبيبه
وقريبه
وناس بالجدعنه
تصونك
وبروحها تحميك
وناس بالاصاله
ف ضهرك
بتطمنك وتهديك
وناس وقت دمعك
تشيل حزنك
وتواسيك
وناس من غير ما تطلب
ولا تحسب تلاقيها
ف لمحه قدام عينيك
وناس بتدعى من قلبها
لربها يسعدك
ويخليها ليك
عبير احمد
