مبروك البنا يكتب (( اه يا خوفي ))

*** آه يا خوفي
---------------
*يا خوفي منك ومن عنيك
نظره واحده ودبت فيك
سِحر حسنك ساكن جفونك
نمت واتكحلت بيك
*ياخوفي م الخد وجماله
سحرت قلبي وكان في حاله
الفل ساكن بين ظلاله
آه ياخوفي وحيرتي فيك
* ياخوفي من وعد الشفايف
شهد معجون باللطايف
نفسي أقطفها و خايف
قلبي يتعود عليك
*ياشعرها هفهف وعلَّي
والقوام سَمِي وصلي
آهين وآه م اللي حصللي
دبت من نظره عنيك
*كل خوفي جوه مني
نار اشتياقي بتحاصرني
لو بعدت مين يصوني
آه يا خوفي من عنيك
-----[مبروك البنا]-----