الشاعر حسين ملحم يكتب (( عصفور )) القصيدة الأخيرة من تقاصيص وجع

تقاصيص وجع...
القصيدة الأخيرة.... عصفور..

 سألت عصفور وقف عشباكي...
ليش حيران.. ليش باكي...
غرد العصفور.... نفش ريشاتو...
وقللي عشقان... ما احلى حكياتو
صبلي بكاس الصبر دمعاتو...
سكرت عدمعو وطلبت كاساتو...

قللي عصفور شباكي...
جيت لابكي... تاريك باكي...
جيت اشكي هجر الخلان
تاريك من لوعة الهجر شاكي...
يا مضيع بالهوى خلانك...
حبيبي حدي وما رضي يحاكي...

بكاني العصفور الغريب
صفق بجناحاتو ليطير....
صرخت وين رايح يلحبيب
سهار معي بعد بكير...
تبسم العصفور وقللي
انشا لله بيرجعوا الخلان وبتسهروا
انا مسافر بدي طير وعللي
انتف ريشاتي... تشتي دمعاتي...
وانت بقلبك غصة لا تخللي
رح تشوف الحبيب وعالوصل تسكروا...

وطار الغريب وبعد... وعيوني تاكل المسافات
رجعت لهمي اتذكر... قصص وحكايات
سكرت عمهلي شباكي
 فضفض... للكراسي... للحيطان..
بوس... الخزاين... صور الخلان...
حاكي... مخداتي... وقلبي التعبان..
ريتك يا عصفور ما وقفت بشباكي...
روح الله يسامحك... خليني باكي...
وغفيت عهدهة الانات... والوجع والزفرات....
وتخبى الدمع بجمر الحكي...
ورجعت وحدي.... لوحدي....
اسالك يا ربي... يا ربي....
ليش ما فيي انساكي......

بقلمي الشاعر حسين ملحم