يابحر أنا جايلك
أبوح لك بأسراري
أفضفض علي شطك
أشكيلك همي وسوء حالي
حبيبي وبحبه
جاني لغاية باب داري
شافني علي رملك
وأنا بأداري حسني وجمالي
كلم أبويا وأخويا
وبقينا اسرة بنظرة وأهالي
دفع مهري وراح
خطبني من عمي
و أخدني من أمي وخالي
زماننا الحلو ذهب
وعيشناه حقيقة أبعد من خيالي
بحار عايم ف بحرك
سهران نهار وليالي
يقلب ف رزقه
مركبي راكب موجك العالي
بعد عني وبيوحشني
وأنا طالبة قربه أنوله من تاني
صياد بشبكة
شبك قلبي وشال همي وشغل بالي
مشتقاله يا موج
وأنا اللي كان قلبي فاضي و خالي
وعدني ووعده
كان لحياتي وروحي ودلالي
صورته ف عينيا
بيحضن إيديه بإيديا
بيقدم لي لآلئ بتلالي
أصداف لرقبتي ولرجلي خلخال
يا موجة شقية معدية
بتداعبي مراكبي عليا غالي
إبقي حني عليه شوية
وانتي بتجري
لأجل ما يجدف
ت إهدي عليه و هدي
صوتي ياموج ياتري
وصلك وأنت سامعني؟
بنادي عليه اصله
حلف وما رديش يودعني
فضفض معايا
ياموج إنت اللي فاهمني؟
وصل غرامي
للي علي بالي وواحشني
وفكرهه اني
منتظراه ببسمته يفرحني
يا موج البحر
ياتري إنت سامعني؟
إياك تحرمني أو بهدوئك تلوعني
بقالي ساعات علي شطك
وروحي معاه و فارقتني
حبيبي بحبه وهو برده حاببني
ووعده لروحي إن عمره ما حيسبني
أنا حياته وهو عمري و ضللي
يا نجمة ف العالي بصة عليا ومرقباني
دليه علي شوقي و عرفيه لعنواني
لبعده زادت لهفتي
وقدر عليا زماني وبكاني
ياتري ياموجة لسة سمعاني؟
بقلمي عزة حزين
Azza Hozayen
ليست هناك تعليقات:
إرسال تعليق