هنقول كلام
بس خايفة يتسرق
كلامي كتير مفهوم
بالعقل مش باللوم
كلام ع الورق
اقراه قبل ما يتشطب
او يبوش او يتحرق
نبيل انك ترمي اللجام
على ضهر الكلام
القلم فارس عوام
فاهم سكته
في بحر الحياة
صدام
حالفت اقول الحق
هتقولي جتيلي بملعبي
ماهو ملعبك ملعبي
الحق سكته سالكه
بس فيه عقل غبي
رزيل وعنيد وقت
السؤال يختفي
الضلال بحوره عتمه
بالكذب فيه تغرق
عطشان وتيجي تشرب
تقف المايه ف الحلق تشرق
بحر الحق ميته عذبه
ابري القلم
عيش مع احساسك
خد نفسك
هات دوايتك وكراسك
اكتب كلمة
وراها كلمة
هتلاقي النور
محى الضلمه
وهتكون انسان
نبيل والانبل
بلاش الكلام يحبل
حرف مجهول النسب
حرام تلوث القلم
وتوئد جنين
من ابوه اتحرم
هتشيل العار
وتترمي ف النار
والكل يقول عليك
غبي غدار
بلاش تستسهل
وشغل التضليل
والنسخ والتظليل
وتمسح اسم اللي تعب
فكر وحاول وكتب
ونجاحه خليه لك
اكبر مثل
نجيب السطر م الاول
اكتب .. اشطب .
رتب .. شقلب
لهجة لسانك عربي
كان او مغربي
احلم وحلمك مبتدي
اكتب فصحى .. عامي
او خواطر
مش لازم تكون عبقري
استفسر اسأل فكر
وحاول تهتدي
خلي كلامك دردشه
فيه الحياء والخشا
من غير ما تقع
ف الدشدشه
هتبقى عيبه وملطشه
هنقفل باب المناقشه
على الوبا اللي انتشى
عويل ودراعه قصير
سن القلم مكسور
بيمثل انه بيكتب
عامل فيها معلمه
كداب وصدق نفسه
جعان وصحونه فاضيه
ودماغة حشاها فضا
عيب عليك يا جدع
عجوزه وعامله صبيه
الكلمة مسروقه
وتقول بإديه
فنطي الورق ع الملاء
وعيب الولد يتحرق
الشايب ع الورق بيقوش
الحق ميزانه اتقلب
لاسمعنا يوم
البحر خان الشمس
ولا مات عليه الشفق
إملي الطبق
إمليه ميه
أو حته جبنه طريه
إمليه مرق
اطبخي بايدك يا صابيه
اسقى القلوب حنيه
تسبق معاكي السبق
يصبح الكلام هندام
مهما اللسان مرق
واللي بيكتب بايده
احسن واشرف م اللي سرق
...........................
#بقلم_حنان_محمدعبدالعزيز
ليست هناك تعليقات:
إرسال تعليق